Jorjino: "Olti soat avtobusda yurish oson emas"

"Chelsi" futbolchisi Jorjino «Midlsbro»ga qarshi o'yinga avtobusda borish imkoniyatini baholadi.

Buyuk Britaniya hukumatining sanktsiyalari tufayli London klubi samolyotda uchish imkoniyatiga ega bo'lmasligi ehtimoli bor. Bu holatda jamoa Londondan 470 kilometr uzoqlikda bo'lib o'tadigan Angliya kubogi o'yiniga avtobusda borishga majbur bo'ladi.

«Biz nimadir qilamiz. To'g'risini aytsam, o'yinga avtobusda boramiz deb o'ylamayman.

Biz biror narsani tashkil qilamiz. Agar umumiy manfaat uchun harakat qilishimiz kerak bo'lsa, biz buni qilamiz. O'yin oldidan olti soat avtobusda yurish oson emas. Bizda shunday imkoniyat borligini hisobga olsak, boshqa echim topishimiz mumkin. Buning biror yo'lini topamiz» - dedi «Chelsi» yarim himoyachisi.