Anchelotti: "Men EChL finalida 3:0 hisobida oldinda borayotib, yakunda mag'lub bo'lgan murabbiyman"

Madridning "Real" klubi bosh murabbiyi Karlo Anchelotti La Liga doirasida "Malorka" (3:0) ustidan qo'lga kiritilgan g'alaba keyin chempionlik poygasi haqida fikr bildirdi.

- Hech narsa o'zgarmadi. Ustunlik biz tarafda va bu albatta biz uchun yaxshi, lekin biz halqaro o'yinlar sababli yuzaga keladigan tanaffusga yaxshi formada yo'l olishimiz kerak. Eslatib o'taman, men 3:0 hisobida oldinda borayotgan EChL finalida yakunda mag'lub bo'lganman (2005 yilgi EChL finali nazarda tutilyapti-muallif). Umid qilamanki, bu holat boshqa takrorlanmaydi, — dedi Anchelotti Marca bilan suhbatda.