«Paxtakor» - «Nasaf» o'yinidagi vaziyatlar «Sport»da muhokama qilinadi

O'zbekiston chempionatining 3-turidan o'rin olgan «Paxtakor» - «Nasaf» o'yini ko'plab muhokamalarga sabab bo'ldi. Uchrashuvga qo'shib berilgan daqiqalarda hakamlar mezbonlarning yaqqol ofsayddan urgan golini inobatga olishdi.

Bahs davomida yana bir qator bahsli vaziyatlar yuzaga keldiki, buni O'FA va mutaxassislar tahlil qilib berishi uchun ehtiyoj yuzaga keldi.

"Sport" kanali esa maxsus ko'rsatuv orqali kechagi o'yinda ro'y bergan voqealarni jonli efirda tahlil qilishga qaror qildi. Bu haqda telekanali direktori Zohid Karimov o'zining Tvitterdagi sahifasida ma'lum qildi.

«Paxtakor» - «Nasaf» o'yini haqida dushanba kuni sharhlovchi, mutaxassis va O'FA vakili bilan jonli efirda gaplashmasak bo'lmaydi. Savollar ko'payib ketdi. Ko'rsatuvning aniq vaqtini anonsda aytamiz», — deya xabar qoldirdi Zohid Karimov.