Etti nafar engil atletikachimiz qit'a etakchilari orasida e'tirof etildi
/ Kiritdi: BestMaster Ko'rilgan: 52
Osiyo engil atletika assotsiatsiyasi 2022 yil yakunlariga ko'ra har bir yo'nalish bo'yicha qit'amizning eng yaxshi 10 ta natijasini qayd etgan sportchilar nomini e'lon qildi. Ahamiyatlisi, unda 7 nafar hamyurtimizning ism-sharifi ko'rsatib o'tilgan.
Ayollar o'rtasidagi dasturlarda Safina Sadullaeva balandlikka sakrashda 1.97 m, Ekaterina Voronina etti kurashda 6072 ochko bilan peshqadamlik qilmoqda. Uch hatlab sakrash yo'nalishida Sharifa Davronova 14.04 metr bilan ikkinchi o'rinda ko'rsatilgan.
Yigitlarimizdan eng yuqori pog'ona Suhrob Xodjaevga tegishli bo'lib turibdi. Bosqon uloqtiruvchimiz 72.67 metr bilan to'rtinchi o'rinda qayd etilgan.
Shuningdek, balandlikka sakrovchilarimizdan Svetlana Radzivil (1.90 m) hamda Aleksandra Sharkaeva (1.88 m), 4x400 metrga aralash estafeta dasturida Artur Xarisov, Husniddin Bannaev, Farida Solieva va Kamila Mirsalieva kvartetiga tegishli (3:31.98) natijalar ham kuchli o'nlikda ko'rsatilgan.