Stol tennisi: Rozalina Xadjaeva hamda Marhabo Magdieva jahon chempionatiga yo'llanmani qo'lga kiritishdi

Hamyurtlarimiz Qatarda stol tennisi bo'yicha o'tkazilayotgan Osiyo chempionatida muvaffaqiyatli ishtirok etishdi.

Vakillarimiz juftlik dasturida 1/16 finalda koreyalik raqibalariga imkoniyatni boy berishgan edi. Shundan so'ng JChga yo'llanma beruvchi qo'shimcha 4 ta o'rin uchun kurashda qozog'istonlik Anastassiya Lavrova hamda Angelina Romanovskaya ustidan 4:2 hisobida g'alabaga erishishdi.

Sportchilarimizning ma'lum qilishicha, ushbu g'alaba ular uchun joriy yilning 20-28 may kunlari JARning Durban shahri mezbonlik qiladigan jahon chempionati eshiklarini ochdi.