II MDH o'yinlari sportning 21 turi bo'yicha o'tkaziladi

MDHga a'zo davlatlar vakillari Yangi yil arafasida Hamdo'stlik mamlakatlari II o'yinlariga tayyorgarlik ko'rish va uni o'tkazish bo'yicha ishchi guruhi yig'ilishida musobaqa nizomini tasdiqladilar.

MDH Ijroiya qo'mitasi matbuot xizmati xabariga ko'ra, II MDH o'yinlari joriy yilning 4-14 avgust kunlari bo'lib o'tishi rejalashtirilgan. Musobaqa dasturidan ko'plab sport turlari o'rin olgan. O'yinlar kontseptsiyasi Belarusning 11 shahrida sportning 21 turi bo'yicha tadbirlar o'tkazilishini nazarda tutadi. Xususan, turnir bahslari Minsk, Borisov, Brest, Vitebsk, Gomel, Grodno, Jlobin, Mogilyov, Molodechno, Orsha va Soligorsk shaharlarida o'tkaziladi.

MDH o'yinlarda 3 mingga yaqin sportchi, murabbiylar, hakamlar, tibbiyot xodimlari va boshqalar ishtirok etishi kutilmoqda. O'yinlarda Ozarbayjon, Armaniston, Belarus, Qozog'iston, Qirg'iziston, Moldova, Rossiya, Tojikiston, Turkmaniston va O'zbekiston sport delegatsiyalari ishtirok etishi rejalashtirilgan. Mo'g'uliston, Xitoy, Kuba, Eron, O'mon, Saudiya Arabistoni delegatsiyalarining ayrim sport turlarida ishtirok etish masalalari ishlab chiqilmoqda.

I MDH o'yinlari 2021 yilning 4–11-tsentyabr kunlari Qozon shahrida bo'lib o'tgan edi. Musobaqada MDHning 9 davlati – Ozarbayjon, Armaniston, Belarus, Qozog'iston, Qirg'iziston, Moldova, Rossiya, Tojikiston va O'zbekiston terma jamoalaridan 1000 nafardan ortiq sportchi ishtirok etgan. Ishtirokchilar sportning 16 turi bo'yicha 181 ta medallar jamlanmasi uchun o'zaro musobaqalashgan edi.