«Barselona» de Yong transferi uchun qo'shimcha pul to'ladi
/ Kiritdi: BestMaster Ko'rilgan: 256
Yarim himoyachi Frenki de Yong o'tgan yili 75 million evro evaziga "Ayaks"dan "Barselona"ga o'tgan edi. Kelishuvga ko'ra, "ko'k-anorranglilar" 11 million evro bonus tariqasida to'lashi ko'zda tutilgan edi.
"Mundo Deportivo" tarqatgan xabarga ko'ra, kataloniyaliklar "Ayaks" hisob-raqamiga 2,3 million evro o'tkazib berishdi.
E'tiborli tomoni, "Barsa" va "Ayaks" o'rtasida tuzilgan shartnomada ko'rsatilgan bonuslarning bir qismi futbolchini tarbiyalashda hissa qo'shgan "Villem II" va "Valveyk" klublariga o'tkazib berilishi ko'zda tutilgan.
Frenki "Barselona" safidagi ilk mavsumida shu paytgacha 37ta o'yinda maydonga tushib, ularda 2ta gol urdi va 4ta golga uzatma berdi.