"Vest Xem" "Manchester Siti" yarim himoyachisini o'z safiga qo'shib olishni o'ylamoqda

"Vest Xem" "Manchester Siti" yarim himoyachisi Koul Palmerga qiziqish bildirmoqda. Sky Sports nashri xabariga ko'ra, "bolg'achilar" 21 yoshli angliyalik futbolchini taklif etish borasida jiddiy o'ylashmoqda.

Palmer "Manchester Siti"da etarlicha o'yin amaliyotiga ega emas. Rahbariyat Koul rivojlanishi uchun maydonda ko'proq vaqt o'tkazishi kerakligini tushunadi. Balki shuning uchun ham "shaharliklar" Palmerni ijaraga qo'yib yuborishga rozi bo'lishar.

Koul o'tgan mavsumda Premer-ligada 14 ta o'yinda maydonga tushib, gol urmagan. Oldinroq "Manchester Siti" "Vest Xem" yarim himoyachisi Lukas Paketaga qiziqish bildirayotgan edi, "bolg'achilar" uni sotmoqchi emas.