Xvicha, Osimxen va Min Jega ovlar boshlandi, "Napoli"ning etakchilari jamoani tark etish arafasida

Kim Min Je "Bavariya" o'tishi mumkin 

"Fenerbaxche" klubida o'zini ko'rsatib, Italiyaga yo'l olgan koreyalik Kim Min Je endilikda A Seriya chempioni. Ayni damda himoyachiga "Bavariya" asosiy da'vogar. 26 yoshli futbolchi myunxenliklar bilan kelishib ham olgan. "Napoli" 70 million evro foyda ko'rishni reja qilgan. Uning ustiga himoyachi transferidan soliqlar bilan yana 12 million olmoqchi. Di Laurentis bu taklifga albatta, qarshi emas. Kim neapolliklar bilan atigi 1 mavsum birga bo'ldi. Shunga qaramay, Tuxel himoyachini "Bavariya"ga lib kelish maqsadida. "Qizillar" tarkibida Lyuka Ernandes PSJga o'tishga yaqin. Lyukaning o'rini bosish va De Ligtga sherik bo'lish uchun ajoyib variantlardan biri Kim Min Je.

Agar bu transfer o'xshasa, neapolliklar o'ziga yangi himoyachi olib kelishi kerak bo'ladi. Bu borada ancho izlanish olib boradi.

Kvaratsxeliyaga ham bir qancha xaridor bor

Gruziyalik yarim himoyachi Evropaning boy klublari nishonida. Uning agenti "Real"dan ham taklif tushganini aytdi, ammo bu transfer bo'lishi dargumon. Agar Mbappe Madridga kelsa, makraziy hujumda o'ynasa, Vini chap qanotni egallab oladi. Ko'rinib turibdiki, bu holatda Xvichaning "Real"da joy topishi juda qiyin. Ammo PSJdan Kilian va Neymar ketadian bo'lsa, parijliklar safida Kvaratsxeliya o'zini ko'rsatish imkoniga ega. Albatta, PSJ bu ikki futbolchisiz qolsa, o'rnini to'ldirish payiga tushadi. Gruziyalik Luis Enrikega ham mos tushadigan futbolchi.

Evropaning yarmi Osimxenga qiziqmoqda

Xvaicha yana bir mavsum "Napoli"da qolishi mumkin. Tahlilchilar gigantlarga shoshilmaslikni maslahat berishadi va narx borasida transferga tayyor klublarni biroz o'ylantiradi. Ammo Osimxen Neapolda faqatgina bir sabab bilan qolishi mumkin, bu ham bo'lsa, Di Laurentis va'dasida turmasa. Bir yil oldin Aurelio narxlarni o'z boshimchalik bilan qo'yib, transfer qoidalarini buzmaslikka va'da bergandi. Hozir uning o'zi Osimxenni 180 millionga baholamoqda va bu narx PSJ, "Bavariya" va "Chelsi"ni biroz qo'rqitib yubordi. Biroq gap 24 yoshli, kuchga to'lgan futbolchi haqida ketmoqda. U xohlagan ligada o'ynab gollari sonini oshirib, jamoasiga foyda keltiradi. Agar "Bavriya" Keyn transferini o'xshata olmasa, Osimxenga bor e'tiborini qaratadi. U kabi haqiqiy to'qqizlik hujumchi aynan Myunxen klubiga kerak. Shuningdek, "Manchester Yunayted" ham markaziy hujumchi qidirmoqda. Viktorning sevgilisi Germaniyada tug'ilgan va uni Myunxenga o'tishshini xohlamoqda. Osimxen "Liverpul"ning ham nishonida.

Saudiyaliklar Lobotkani olib ketishmoqchi

"Napoli" sobiq himoyachisi Kalidu Kulibali allaqachon Saudiya klubi "Al Hilol"ga o'tdi. Kaliduning ketgani uncha fojiali bo'lmadi, chunki u 32 yoshda. Davri biroz o'tib borayotganlardan. Ammo "Napoli"ning yana bir futbolchisi Stanistav Lobotkaga ham saudiyaliklar qiziqish yuildirmoqda. Polshalik hozirda 24 yoshda va ayni kuchga to'lgan paytida. Lobotka "Napoli"dan oldin "Selta"da o'ynagan hamda 6 yil davomida Evropaning elita ligalarining tarkibida faoliyat olib borgan. Neapolliklar safida o'zini rostmana ko'rsata oldi. U ayni kuchga to'lgan paytida pulni tanlab ketsa, faoliyatiga jiddiy ta'sir qiladi. Unga "Liverpul"dan ham taklif bor. Lobotkaning transfer narxi 40 million evroga baholanmoqda.

Meret, Zelinski va Angissa ham ketishi mumkin

Min Je va Osimxen katta ehtimol ketadi. Bu ikki yo'qotishni to'ldirish kerak. Spaletti ham nafaqaga chiqarildi, o'rniga Rudi Garsiya keldi. Rudiga "Napoli"ni A Seriya favoriti sifatida saqlab qolish vazifasi qo'yilgan. Shunday ekan, yuqorida tilga olingan trio kabi boshqa futbolchilarni saqlab qolishi kerak. Darvozabon Aleks Meretga "Tottenxem" qiziqqan edi, ammo yakunda Londonga boshqa bir italiyalik keldi -Vikario. Zelinski uzoq vaqtdan beri "Napoli"dan ketishni ko'zlab yurdi. Angissa ham Angliyaga ketishi mumkin, ammo u neapolda qolish niyatida. Di Laurentis etakchilardan yaxshigina pul topmoqchi. Agar Osimxen ketsa, Raspadori va Simeone uning o'rnini to'ldiradi. Yulduzlar ketganiga yarasha ularnining o'rnini mukammal transferlar bilan to'ldirish kerak bo'ladi.

Neapoldan ketishga asosiy sabab, albatta, pul. Min Jedan tortib Osimxengacha bo'lgan har bir kishi ko'proq va ancha yuqori to'lanadigan takliflarni oladi. Viktorga dastlab 3.5 million evro berilgan bo'lsa, o'tgan mavsumda bu summa ancha oshdi. "Manchester Yunayted" va PSJ nigeriyalikka yiliga 10 million evro taklif qildi.

Yangi mavsum boshlanishidan oldin ko'plab jamoalar qatori "Napoli" tarkibida ham o'zgarishlar kutilmoqda. Ko'ramiz, kuzatamiz...