Pora bilan qo'lga tushgan hakamlar
/ Kiritdi: BestMaster Ko'rilgan: 1213
Hakamlik qilish hamma zamonlarda qiyin kasb sanalgan. Bu kasbning o'ziga yarasha mas'uliyati va salobati bor. Futboldagi hakamlik esa bu mas'uliyatni yanada oshiradi. So'nggi paytlarda futbol sport turidan ko'ra ko'proq biznesga aylanib bormoqda. O'z-o'zidan o'yinlarning hisobini hakamlarning qarorlari belgilab bergan uchrashuvlar ham yo'q emas. Bugun ana shunday hakamlik nomiga dog' tushirganlar haqida so'z boradi.
Andranik Arseniyan va Agones Avanekiyan
Armaniston futbol federatsiyasi bu hakamlarni «Ko'rsatgan tomoshasi» uchun butun umrga futboldan chetlatgan ekan. Sababi, «Evropa Ligasi» saralash uchrashuvlarining 1-bosqichida Farer orlollarining «Vikingur» va Finlandiyaning «Inter» klublari o'rtasidagi uchrashuvda ishlagan qahramonlarimiz ikki jamoaning gol urishi uchun o'z brigadasi bilan birgalikda Bukmekerlik «idoralari»da 300 ming evro pul tikishadi. Qahramonlarimiz ikki jamoaga ham yo'q joydan 1 marotabadan penalti belgilab berishadi va shu orqali tikilgan pulni ko'paytirib olmoqchi bo'lishadi. Qizig'i shundaki, Finlandiya klubi penaltini amalga oshira olmaydi va uchrashuv 0 : 1 hisobida yakunlanadi.
Ushbu uchrashuv va shubhali penaltilar ortidan boshlangan surishtiruv ishlari vaziyatni tezda oydinlashtirdi va armanistonlik hakamlarni butun umrga futboldan chetlatadi. Hozirgi kunlarimizga kelib bu sobiq hakamlar o'z karieralarini qanday tiklash haqida bosh qotirishayotgan bo'lsa, ajab emas…
Felix Brix
Germaniyalik nomdor hakamning uzoq yillar davomida yiqqan obro'si uning qilgan bitta ishi evaziga qumga tushgan suv tomchisidek yo'q bo'lib ketdi. U Rossiyada bo'lib o'tgan JChda guruh bahslari doirasidagi
Serbiya va Shvetsariya terma jamoalari o'rtasidagi uchrashuvning 70-daqiqasida yuz foizlik penaltini bermaydi. Vaholanki VAR sistemasidan vaziyatni qayta ko'rish imkoni bo'lsada bundan bosh tortadi. Uchrashuv yakunlangach, FIFA uni yana bir nechta o'yinlarni boshqarishini rejalashtirgan bo'lsada, JCh uchrashuvlarini boshqarish huquqidan mahrum qiladi va ushbu ish bo'yicha taftish o'tkazadi. Hozircha ushbu taftishning natijasi qanday bo'lgani noma'lum.
Malavilik 4 hakam
Eng qiziq xolatlardan biri. Ushbu yurtda faoliyat olib boruvchi ismi oshkor qilinmagan hakamlar mahalliy kubok o'yinlaridan birida «Mnchelo Yunaytet» klubi mutasaddilaridan 20 dollar miqdorda pora olishadi. Eng achinarlisi shundaki, hakamlar qanchalik yordam berishmasin, «Mnchelo Yunayted» o'sha uchrashuvda mag'lubiyatga uchraydi. Klub mutasaddilari jahl ustida huquqni himoya qiluvchi o'rganlarni ogohlantirib qo'yib, ularni pora bilan ushlab berishadi. Malavi futbol federatsiyasi hakamlarni butun umrga futboldan chetlatadi, klubni esa jazosiz qoldiradi. 5 dollar uchun qahramonlarimiz o'z karieralarini erta tugatishga majbur bo'lishgan. Judayam qiziq xolat :)
Anen (yoki Aden) Marvo
Keniyalik hakam mundialda asistent sifatida ishtirok etuvchilar ro'yxatiga kirishga ulgurgan kelajagi porloq hakamlardan biri edi. Afsuski, Afrika Millatlar Kubogi uchrashuvlari doirasida kechgan o'yinlardan biri uchun 600 dollar pora olayotgani aks etgan video rolik ijtimoiy tarmoqlarda paydo bo'ladi. Bu ham etmaginidek, ganalik jurnalist «Afrikadagi ijtimoiy muammolar» deb ataluvchi filmni suratga oladi. Ushbu hujjatli filmning o'rtalarida esa qahramonimiz pora olayotgan videosi aks etadi. BBS kompaniyasi ushbu filmni o'z kanallari orqali namoish etgach, Aden Marvoni hakamlik qo'mitasi butun umrga futboldan chetlatadi va yaxshigina jarimaga tortadi.
Ushbu maqola «Goal 24» nashrining ma'lumotlariga tayangan xolda yozildi.
Yahyoxo'ja Ulug'xo'jaev