«Qo'qon-1912» nazorat o'yinida «Nasaf»ga mag'lub bo'ldi

Toshkentda yig'in o'tkazayotgan “Qo'qon-1912” navbatdagi o'rtoqlik uchrashuvida maydonga tushdi. Qo'qonliklarning bu galgi raqibi Qarshining “Nasaf” klubi bo'ldi.

Umuman olganda, tanaffusga qadar har ikki jamoada gol urish uchun bir qator imkoniyatlar vujudga keldi. Lekin ulardan samarali foydalanish hech bir jamoaga nasib etmadi. Natijada birinchi taym nursiz durang bilan poyoniga etdi.

Ikkinchi bo'lim ham shiddatli hujumlar bilan boshlandi. Jamoalar ketma-ket xavfli vaziyatlarni yaratishdi.

70-daqiqada “Nasaf” futbolchisi Xumoyun Murtazoev jarima to'pidan keyin gol urdi. Shu tariqa o'yin “Nasaf”ning g'alabasi bilan tugadi.

O'rtoqlik uchrashuvi

"Qo'qon-1912" - “Nasaf” - 0:1

Bosh hakam: Shavkat Nasibullaev.

Gol: Xumoyun Murtazoev – 70.