«Atletiko»ga qarshi o'yinda «Barselona»ning ikki futbolchisi jarohat oldi

«Barselona» Li liganing 10-turida Madridda «Atletiko» mehmoni bo'lib, 0:1 hisobida imkoniyatni boy berdi.

Kataloniyaliklar himoyachisi Jerar Pike o'yinni erta tark etdi. 33 yoshli futbolchi raqib futbolchisi Anxel Korrea bilan to'qnashuvda jarohat oldi. Bahsning 62-daqiqasida uning o'rniga Serjino Dest tushirildi. Pike cho'loqlangancha maydonni tark etdi.

Shuningdek, "Barsa" o'ng qanot himoyachisi Serxi Roberto ham jarohat oldi. Futbolchi darvoza tomon zarba yo'llash chog'ida mushagidan jarohat oldi.

Ularning jarohati qay darajada jiddiy ekani tibbiy tekshiruvlardan so'ng aniq bo'ladi.