Shomurodov «Jenoa» bilan «Verona»ga qarshi o'yinga yo'l oldi

«Jenoa»ning yangi futbolchisi Eldor Shomurodov Italiya chempionatining 4-turidan o'rin olgan bahsda o'z jamoasi safida debyut qilishi mumkin.

O'zbekistonlik futbolchi "Verona"ga qarshi bo'ladigan o'yin uchun kengaytirilgan tarkibdan o'rin oldi va jamoa bilan Verona shahriga yo'l oldi.

Ayni paytda «Jenoa»ning bir necha nafar futbolchisi koronavirusga chalingan va ular hozir karantin muddatini o'tashmoqda. Shu bois, Eldor bugun uchrashuvni asosiy tarkibda boshlashi mumkin.

Eslatib o'tamiz, «Verona» – «Jenoa» uchrashuvi 19 oktyabr, dushanba kuni Toshkent vaqti bilan 23:45da boshlanadi.