Bundesliga. «Frayburg» Menxengladbaxni EChL yo'llanmasidan mahrum qilishi mumkin
/ Kiritdi: BestMaster Ko'rilgan: 379
Germaniya chempionatining 30-turiga start berildi. Evropa ligasi yo'llanmasi uchun kurashayotgan «Frayburg» o'z uyida Chempionlar ligasi yo'llanmasini qo'lga kiritishga harakat qilayotgan Menxengladbaxning «Borussiya»sini qabul qildi.
Birinchi bo'limda hisob ochilmagan bo'lsa, 58-daqiqada mezbonlar Petersonning goli evaziga hisobni ochishdi. Oradan 10 daqiqa o'tib esa mehmonlar futbolchisi Plea ikkinchi sariq kartochka tufayli maydonni tark etdi.
Natijada "Frayburg"ning uchrashuvda g'alabani saqlab qolishi engillashdi. Mazkur mag'lubiyat tufayli "Borussiya"ning EChLga yo'llanma beradigan kuchli to'rtlikda qolishi qiyinlashib qolgan bo'lsa, "Frayburg" Evropa ligasi yo'llanmasi uchun imkoniyatni saqlab qoldi.
Germaniya chempionati, 30-tur
Frayburg – Borussiya M 1:0 (0:0, 1:0)
Gol: 1:0 – 58 Petersen.
Frayburg – Shvolov, Kyubler (Shmid, 58), Linxart, Xaynts, Gyunter, Kox, Xefler, Shallai (Petersen, 57), Grifo (Kvon Chxan Xun, 88), Xeler (Frantts, 88), Valdshmidt (Xaberer, 83).
Borussiya M – Zommer, Layner, Ginter, Elvedi (Traore, 82), Bensebayni, Xofmann (Benesh, 81), Noyxaus, Xerrmann (Vendt, 72), Shtindl (Raffael, 82), Tyuram, Plea.
Ogohlantirishlar: Valdshmidt (16), Plea (22), Kyubler (26), Kox (40), Layner (45), Xefler (85).
Chetlatish: Plea (67).