"Barselona" Lautaro bo'yicha "Inter"ga yangi taklif yubordi

Kataloniyaning «Barselona» klubi Italiyaning «Inter» klubi hujumchisi Lautaro Martinesni sotib olish borasida yangi taklif yubordi.

Italiyalik jurnalist Nikolo Skiraning yozishicha, kataloniyaliklar argentinalik hujumchi uchun 80 million evro to'lashga va Xunior Firponi qo'shib berishga tayyor.

Avvalroq, «Inter» o'z futbolchisini shartnomada ko'rsatilgan tovon puliga qo'yib yuborishga tayyor ekanligini aytib o'tgandi. Martinesning tovon puli 111 million evroni tashkil qiladi.