Yaxshiboev gol urgan o'yinda «Energetik» qo'shib berilgan daqiqalarda g'alabani ilib ketdi (video)

Belarus chempionatining 10-turi doirasida "Energetik-BGU" safarda "Isloch" klubi mehmoni bo'ldi.

Birinchi bo'limning 13-daqiqasida belgilangan penaltini Jasur Yaxshiboev aniq amalga oshirib hisobni ochgandi, mezbonlar ham tanaffusga qadar penaltidan muvozanatni tiklashdi.

Ikkinchi bo'limga qo'shib berilgan daqiqalarda Evgeniy Yudchits 25 metrlardan kuchli zarba berib, darvozani ishg'ol qildi. Natijada «Energetik-BGU» qiyin kechgan bahsda g'alabani ilib ketishga muvaffaq bo'ldi.

"Talabalar" ketma-ket to'rtinchi o'yinda g'alaba qozonib, o'z ochkolarini 12taga etkazib olishdi. Jamoa BATEdan 1 ochko ortda qolgan holda 2-o'rinda borishmoqda.

Bugun bahsda Yaxshiboev to'liq harakat qilgan bo'lsa, Shahboz Umarov 78-daqiqada zaxiraga olindi.

Belarus chempionati, 10-tur
Isloch – Energetik-BGU 1:2 (1:1, 0:1)
Gollar: 0:1 – 13, penalti Yaxshiboev, 1:1 – 27, penalti Stiven, 1:2 – 90 Yudchits.
Isloch – Xatkevich, Karpovich, Kontsevoy, Papush, Stiven, Melnik (Lisovskiy, 74; Adegbola, 90), Tsveyba, Patotskiy, Yanushkevich, Yansane, Xolodinskiy (Nekrashevich, 82).
Energetik-BGU – Lesko, Mavatu, Yudchits, Miroshnikov, Svirepa, Bakich (Atemeng, 71), Nosko, Yaxshiboev, Umarov (Girs, 78), Shkurdyuk, Musaxanyan (Sovpel, 46).
Ogohlantirishlar: Yaxshiboev (59), Tsveyba (69), Xolodinskiy (81), Svirepa (90).

Yaxshiboev tomonidan urilgan golni quyida tomosha qilishingiz mumkin.