Sadio Mane APLda mavsumning eng yaxshi futbolchisi deb topildi

"Sky Sports" nashri o'z o'quvchilari o'rtasida futbol bo'yicha Angliya Premer Ligasi 2019/20 yilgi mavsumining eng yaxshi o'yinchisini aniqlashga qaratilgan so'rovnoma o'tkazdi.

Unga ko'ra, 1-o'rinni «Liverpul» vakili Sadio Mane 33 foiz ovoz bilan band etdi. Ikkinchi o'rindan Mersisayd klubining sardori Jordan Henderson (31 foiz ovoz) o'rin oldi. 20 foiz ovoz bilan 3-pog'onani «Manchester Siti» yarim himoyachisi Kevin de Bryuyne band etdi.

Shuningdek, o'quvchilarning 5 foizi Virjil van Deykka, yana 2 foizi esa Muhammad Salohga ovoz berdi. «Boshqa kimdir» deya nomlangan variant esa o'quvchilarning 9 foiz ovoziga ega bo'ldi.

Eslatib o'tamiz, avvalroq Mane "The Guardian" nashri talqiniga ko'ra ham APLning eng yaxshi futbolchi deb topilgandi.