Odil Ahmedov: «Virus mag'lub etilganidan keyin muxlislar futboldan yanada ko'proq zavq olishadi»
/ Kiritdi: BestMaster Ko'rilgan: 424
O'zbekiston terma jamoasi va Xitoyning «Shanxay SIPG» yarim himoyachisi Odil Ahmedov hozirda Xitoydagi vaziyat qanday ekani haqida o'z fikrini bildirdi.
— Yaqinda O'zbekistondan uchib keldim. Barcha o'yinchilar futbolni sog'inishgan. O'ylashimcha, muxlislar ham futbolni sog'inishgan. Futbolsiz yashash qiyin. Deyarli har kuni mashg'ulotlar va o'yinlarda ishtirok etar edik. Shu narsa etishmayapti.
Hozir Shanxaydaman, bu erga bir hafta ilgari uchib kelgan edim. Etib kelishim bilan barcha xorijlik futbolchilar kabi karantinga olindim. Shuning uchun hozir uydaman. Bu jarayon ikki hafta davom etadi. Karantindan chiqqanimizdan keyin esa jamoamiz mashg'ulotlarni boshlaydi.
Hozir chempionat qachon boshlanishi haqida aniq ma'lumot yo'q. Lekin, o'ylashimcha, biz may oyining so'ngida futbol o'ynay boshlasak kerak.
— Xitoyda koronavirus bilan bog'liq vaziyat qanday?
— Umid qilaman, butun dunyoda biz koronavirus ustidan g'alaba qozonamiz va normal hayotga qaytamiz. Lekin eng muhimi — bu insonlar sog'lig'i. O'ylashimcha, insonlar jahonda ro'y berayotgan to'g'ri qabul qilishmoqda. Virus tez orada ketadi va biz katta futbolga qaytamiz, deb umid qilaman. Shundan so'ng muxlislar yanada ko'proq xursand bo'lishadi.
— Xitoydagi hayot qanday?
— Hozir bu erda hammasi joyida. Xitoy virusni deyarli engdi. Bu erda infektsiya ko'p emas. Virus butunlay mag'lub etilganidan keyin Xitoy chempionati start oladi.