Lempard: «Kepa asosiy jamoaga qaytish uchun mashq qilishi va diqqatli bo'lishi kerak»
/ Kiritdi: BestMaster Ko'rilgan: 577
"Chelsi" darvozaboni Kepa Arrisabalaga asosiy jamoadagi o'rnini yo'qotdi. Ispaniyalik darvozabon ketma-ket uch uchrashuvda o'yinni zaxiradan kuzatishga majbur bo'ldi.
"Chelsi" bosh murabbiyi Frenk Lempard Villi Kabaleroga o'yin amaliyotini taqdim etish to'g'risidagi qaroriga izoh berdi, chunki London klubida "Kepa"ning kelajagi borasida ko'plab savollar yuzaga kelmoqda.
"Men faqat klub va uning rahbariyati manfaatlaridan kelib chiqib ishlayman. Barchamiz yaxshilikni xohlaymiz. Men qaror qabul qilganim uchun maosh olaman. Bunday vaziyatda darvozabonlarning holatini hisobga olingan holda shunday qaror qabul qilindi. Vaziyat o'zgardi, ammo bu oxiri emas.
Kepaga kerak bo'lgan narsa - bu barcha futbolchilarimdan talab qiladigan, to'g'ri munosabatda bo'lish va mashq qilish. Hamma narsa o'zgarishi mumkin", - dedi Lempard.