Osiyo kubogi-2019. Bugun Turkmaniston bilan o'ynaymiz

O'zbekiston milliy jamoasi bugun Osiyo kubogidagi o'zining ikkinchi o'yinini o'tkazadi. Guruh bosqichidagi bu galgi raqibimiz — Turkmaniston.

Qo'shnilarimiz birinchi turda Yaponiyaga qarshi ancha yaxshi o'yin namoyish qilishdi. Qit'aning eng kuchli jamoalaridan biriga qarshi o'yinda 2:3 hisobidagi mag'lubiyat, turkmanlarning musobaqaga jiddiy tayyorgarlik ko'rganini bildiradi.

O'zbekiston terma jamoasi bugun g'alaba qozonsa, muddatidan avval nimchorak final yo'llanmasini hal qilib qo'yadi. Bu esa biz uchun muhim.

Turkmaniston - O'zbekiston o'yini Dubaydagi "Rashid" stadionida bo'lib o'tadi. Bahs Toshkent vaqti bilan 21:00da start oladi.

Osiyo kubogi-2019. "F" guruhi, 2-tur
TURKMANISTON - O'ZBEKISTON
BAA. Dubay. "Maktum bin Rashid" stadioni. 13 yanvar, 21:00
Bosh hakam: Ammar al-Jeneybiy (BAA)