«Rivojlanish kubogi». O'zbekiston U16 so'nggi o'rinni egalladi

O'zbekiston o'smirlar terma jamoasi Belarus poytaxti Minskda tashkil etilgan “Rivojlanish kubogi-2020”da ishtirokini yakunladi.

Kecha Azamat Abduraimov boshchiligidagi terma jamoamiz 7-o'rin uchun Islandiya bilan bahs yuritdi. Shiddatli ruhda o'tgan o'yinda o'smirlarimiz 1:2 hisobida imkoniyatni boy berdi.

Shu tariqa, o'smirlarimiz xalqaro musobaqada eng so'nggi o'rinni egallashdi.

O'zbekiston – Islandiya 1:2
Gollar: Palsson (47), Glinsson (64) – Poyonov (50).
O'zbekiston: Kenjaev, Pogosyan (Pazildinov, 74), M. Abdurazzoqov, Todorov, Husanov, Xayrullaev (Inomov, 63), Turdimurodov (Bahodirov, 74), Akramov, Poyonov (Hojiboev, 74), N. Abdurazzoqov (To'xtasinov, 41), Omonaliev (Qahhorjonov, 52).
Ogohlantirishlar: Todorov (40+1) –  Tirfingson (74).

Manba: ufa.uz