APL. «Nyukasl» so'nggi soniyada «Chelsi»dan g'alabani tortib oldi (videosharh)
/ Kiritdi: BestMaster Ko'rilgan: 493
Angliya chempionatining 20-turi doirasidagi bugundan o'rin olgan so'nggi uchrashuv bo'lib o'tdi. «Nyukasl» o'z maydonida «Chelsi»ni qabul qilib, o'yinga qo'shib berilgan daqiqalarda g'alabani ilib ketishdi.
Aslida "qarg'alar" bahsning 21-daqiqasida hisobni ochishlari kerak edi. Darvoza to'sini "Chelsi"ni goldan qutqarib qoldi.
Shundan so'ng ustunlik asosan Lempard shogirdlari tomonida bo'ldi. Ayniqsa, ular ikkinchi bo'lim so'ngida 2-3ta golga tortadigan vaziyat yaratishdi. Xususan, Abraxam yakkama-yakka vaziyatda "Nyukasl" darvozabonini aldab o'tdiyu, darvoza tomon aniq zarba bera olmadi.
Qo'shib berilgan 4 daqiqaning so'nggisi o'tib borayotganida mezbonlar burchak zarbasini amalga oshirishdi. "Chelsi" himoyachisi to'pni qaytardi, ammo takroriy uzatmani Ayzek Xeyden bosh bilan darvozaga joylab qo'ydi.
Nyukasl – Chelsi 1:0 (0:0)
Gol: 1:0 – 90+4 Xeyden.
Nyukasl – Dubravka, Fernandes, Klark, Villems (Ritchi, 12), Kraft (Longstaff, 71), Almiron, Xeyden, Shelvi (Longstaff, 85), Sen-Maksimen, Lassels, Joelinton.
Chelsi – Arrisabalaga, Djeyms (Emerson, 75), Ryudiger, Kristensen, Aspilikueta, Kante, Jorjino, Xadson-Odoi, Maunt (Barkli, 68), Villian, Abraxam (Batshuayi, 80).
Ogohlantirishlar: Xeyden (55), Emerson (84).