Qudratillo Abduqahhorov muhim jang oldidan tarozidan o'tdi

Professional boksning yarim o'rta (-66,68 kg) vazn toifasida ringga ko'tarilayotgan Qudratillo Abduqahhorov (16-0, KO) Luis Kollazoga (39-7, 20 KO) qarshi jang oldidan tarozidan o'tdi.

Qudratillo 66,723 (147,1 funt) kg tosh bosdi va vazn me'yoridan atigi 45 gramm o'tib ketdi. Ammo jang reyting jangi bo'lgani uchun vaznni kamaytirishga hojat yo'q deb hisoblandi va u ikkinchi marta taroziga chiqmadi. Luis Kollazo esa 66,405 kg (146,4 funt) tosh bosdi.

Eslatib o'tamiz, jang 18 oktyabr kuni (Toshkent vaqti bilan 19 oktyabr erta tongda) AQShning Filadelfiya shahrida bo'lib o'tadi.