Anchelotti "Real Sosedad"ga qarshi bahsda katta o'zgarishlarga qo'l urmoqchi

Madridning “Real” klubi bosh murabbiyi Karlo Anchelotti Chempionlar ligasi yarim finali oldidan o'z tarkibida rotatsiya qiladi.

Juma kuni "Los Blankos" La Liga doirasida "Real Sosedad"ga qarshi maydonga tushadi. Marca nashri xabariga ko'ra, Anchelotti yaqinda bo'lib o'tgan "el-klasiko" bilan solishtirganda jamoasining boshlang'ich chizig'ida 9 ta o'zgarishni rejalashtirgan.

Yarim himoyachilar Luka Modrich va Aurelien Tchuameni, shuningdek, darvozabon Kepa Arrisabalaga dastlabki daqiqalardan maydonga tushishi kutilmoqda.