Hakamni "bo'rillatib" so'kkan futbolchi 5 ta o'yinga diskvalifikatsiya qilindi

“Almeriya” futbolchisi Larji Ramazoni hakamni haqorat qilgani uchun jiddiy jazo oldi. "Vilyarreal" bilan o'yin oxirida, bahsli daqiqalarda futbolchi hakamni kurakda turmas so'zlar bilan haqorat qilgan.

Buning uchun etika qo'mitasi futbolchini beshta o'yinga diskvalifikatsiya va 2,4 ming evro miqdorida jarimaga tortdi, deb xabar beradi Marca.

Shu tariqa, Ramazoni 2023/2024 yilgi mavsum yakunini deyarli to'liq o'tkazib yuboradi. Shu bilan birga, u kam jazoni oldi, chunki hakamni bunday haqorat qilgani uchun reglamentga ko'ra, futbolchi 12 ta o'yinga diskvalifikatsiya qilinishi mumkin.