2 nafar vakilimiz CAFA doirasidagi turnirda ishtirok etmoqda

Joriy yilning 19-28-aprel kunlari Tojikistonning Dushanbe shahrida 18 yoshgacha bo'lgan qizlar o'rtasida “CAFA U-18 WOMEN'S CHAMPIONSHIP” turniri bo'lib o'tishi rejalashtirilgan edi. Unda 2 nafar ayol hakamimiz ham ishtirok etayotgani e'tiborga molik jihat.

Nasibabonu Toshmuhammedova (bosh hakam) hamda Kristina Sereda (yordamchi hakam) hozirga qadar turnir doirasidagi Qirg'iz Respublikasi – Tojikiston, Tojikiston – Turkmaniston bahslarida ishlashga muvaffaq bo'ldi.

"Vakillarimizga navbatdagi uchrashuvlarda omad tilaymiz!" - deyiladi O'zbekiston futbol hakamlari markazining rasmiy bayonotida.