Jiru "Los-Anjeles" bilan 1,5+1 sxemasi bo'yicha shartnoma imzoladi

Olive Jiru faoliyatini MLSda davom ettiradi.

37 yoshli hujumchi "Los-Anjeles" bilan shartnoma imzoladi, deb xabar beradi L'Equipe. Shartnoma 2025 yilning dekabrigacha amal qiladi va yana bir yilga uzaytirilishi mumkin.

Frantsiyalik futbolchining maoshi soliqlarsiz yiliga 3 million evroni tashkil qiladi.

Jiruning Frantsiya terma jamoasidagi sobiq sherigi Ugo Loris "Los-Anjeles"da o'ynaydi. MLSning joriy mavsumida klub 9 o'yin o'tkazib, 12 ochko to'pladi. G'arbiy konferentsiya turnir jadvalida 7-o'rinni egallab turibdi.

A Seriyaning 2023/24 yilgi mavsumida Jiru 30 o'yin o'tkazib, 13 gol va 8 golga assistentlik qilgan.