Futzal. Eron ketma-ket 9-marta jahon chempionati yo'llanmasini qo'lga kiritdi

Futzal bo'yicha Osiyo Kubogining chorak finalida Eron va Qirg'iziston terma jamoalari 24 aprel, chorshanba kuni o'zaro to'qnash keldi.

Uchrashuv Eronning 6:1 hisobidagi g'alabasi bilan yakunlandi. Shu tariqa Eron yarim final yo'llanmasini qo'lga kiritgan 2-jamoaga aylandi.

Avvalroq Tojikiston Afg'onistonni mag'lub etib, o'z tarixida ilk bor yarim final yo'llanmasini qo'lga kiritgandi. Shuningdek, forslar ketma-ket 9-marta jahon chempionati yo'llanmasiga ega chiqdi.

Qayd etib o'tish joiz, Eron O'zbekiston—Vetnam juftligi g'olibi bilan yarim finalda to'qnash keladi.

O'zbekistonning Vetnamga qarshi o'yini bugun 19:00 da start oladi.