Mbappe "Real"ga o'tishi tufayli 128 million evro yo'qotishi mumkin

"PSJ" hujumchisi Kilian Mbappe "Real"ga o'tish uchun bonus to'lovlarini qurbon qilishi mumkin. Insayder Ramon Alvaresning so'zlariga ko'ra, 25 yoshli yulduz o'zining sodiqlik mukofotidan, shuningdek, maoshining bir qismidan voz kechadi. Bu summa taxminan 128 million evroni tashkil qiladi.

Mbappe joriy mavsum oxirida qirollik klubiga o'tishi kerak. Tomonlar besh yillik mehnat shartnomasini imzolaydilar. "Los-Blankos" Kilianni tekinga oladi, chunki uning Parij klubi bilan shartnomasi iyun oyi oxirigacha amal qiladi.

Frantsiya chempionatining joriy mavsumida Mbappe 26 ta o'yin o'tkazib, 24 ta gol va 6 ta golli uzatmani amalga oshirdi.