Apple 1 mlrd dollarga Klublar o'rtasidagi Jahon Chempionatini namoyish qilish huquqini qo'lga kiritishi mumkin

Apple 1 milliard dollarga Klublar o'rtasidagi Jahon Chempionatini namoyish etish huquqini sotib olishga yaqin. Turnir yangi formatda ilk bor 2025 yilda o'tkazilishi rejalashtirilgan. Unda 32 ta jamoa ishtirok etadi, ularning aksariyati allaqachon ma'lum.

The New York Times nashrining yozishicha, FIFA jahon chempionati o'yinlarini translyatsiya qilish huquqini Amerika korporatsiyasiga sotishga yaqin turibdi. Shartnoma imzolangani haqidagi xabar may oyining boshida e'lon qilinishi mumkin.

Qayd etilishicha, tranzaktsiya summasi kutilgan mablag'ning atigi chorak qismini tashkil qilishi mumkin — 4 milliard dollar o'rniga 1 milliard dollar.

Biroq Apple bilan kelishuvda o'yinlarni bepul namoyish qilishni o'z ichiga olishi yoki olmasligi hozircha aniq emas. O'yinlarni faqat Apple TV+ abonentlari olishi mumkinligi avvalroq FIFA etakchilarini xavotirga solgan edi.

Agar tomonlar rozi bo'lsa, Xalqaro futbol federatsiyasi ilk bor o'yinlarni translyatsiya qilish huquqini ta'minlash bo'yicha birinchi bor xalqaro shartnoma tuzadi.