Osiyo Boks Konfederatsiyasi o'zbekistonlik bokschi Jahongir Zokirovni e'tirof etdi

Osiyo boks konfederatsiyasi (ASBC) matbuot xizmati 2024 yilda Ostona shahrida bo'lib o'tadigan yoshlar o'rtasidagi Osiyo chempionatida ishtirok etadigan 20 yoshli o'zbekistonlik bokschi Jahongir Zokirovni e'tirof etdi, deb yozadi “Sports.kz”.

“Jahongir Zokirov Bahodir Jalolov yo'lidan bormoqda. U superog'ir vazn toifasida (+92 kg) kuchli bokschi bo'lib, 22 yoshgacha bo'lgan o'smirlar o'rtasidagi boks bo'yicha Osiyo chempionatining amaldagi chempioni hisoblanadi”, — deb yozadi ASBC.

25 aprel kuni Ostona shahrida boks bo'yicha yoshlar o'rtasidagi Osiyo chempionati boshlanadi. Unda O'zbekiston termasi to'liq tarkibda qatnashadi.

Eslatib o'tamiz, Humo Arena'da 14 aprel, yakshanba kuni bo'lib o'tgan “IBA Chempionlar oqshomi”da +92 kg vazn toifasi vakili Jahongir Zokirov xorvatiyalik Smaki Agronga qarshi jang olib borib, ochkolar bo'yicha g'alaba qozongan edi.

Manba: daryo.uz