Tayson Fyuri Oleksandr Usikka qarshi jangdan bosh tortsa, 10 million funt jarimaga tortiladi
/ Kiritdi: BestMaster Ko'rilgan: 13
Super og'ir vazn toifasida WBA Super, IBF, WBO va IBO kamarlari sohibi Oleksandr Usik va WBC chempioni Tayson Fyuri mutlaq jahon chempionligi may oyida bo'lib o'tadi.
Agarda Fyuri ushbu jangdan bosh tortsa, 10 million funt jarimaga tortiladi. Bu haqida Usikning menejeri Alesaksandr Krasyuk ma'lum qildi.
“Agar Tayson jangda ishtirok etmasa, 10 million funt jarima to'laydi. Bu jang beshinchi marta bekor bo'lmasligi uchun shartnomada belgilangan.
Fyuri sparringlarda dubulg'a bilan ishtirok etyapti deb umid qilamiz. O'tgan safargidek jarohat olmasin”, — deydi Krasyuk.
Usik va Fyuri o'rtasidagi jang 17 fevral sanasida bo'lib o'tishi lozim edi. Biroq Tayson sparring vaqtida qoshidan olgan jarohat tufayli jang sanasi o'zgargandi. Endi jang sanasi 18 mayga o'zgartirilgan.
Eslatib o'tamiz, 2023 yilning 28 oktyabr kuni Tayson Fyuri va Frentsis Ngannu Ar-Riyodda ringga ko'tarilgandi. Yakunda Fyuri hakamlarning qaroriga ko'ra (94-95, 96-93, 95-94) g'alaba qozondi.
Oleksandr Usik so'nggi jangini o'tgan yilning avgust oyida Daniel Dyubuaga qarshi o'tkazib, 9-raundda texnik nokaut evaziga g'alaba qozongandi.
Manba: www.daryo.uz
Bosh sahifaga
193