Kanseluning muhim o'yinlardagi xatolari "Barselona"dagi faoliyatiga to'siq bo'lishi mumkin

Kataloniyaning "Barselona" klubi o'ng qanot himoyachisi Joau Kanselu borasidagi rejalarini qayta ko'rib chiqmoqda. Mundo Deportivo xabariga ko'ra, klub rahbariyati "Barselona" uchun juda muhim bo'lgan so'nggi ikki o'yindagi xatolaridan so'ng portugaliyalikni sotib olish maqsadga muvofiqligiga shubha qilgan. Eslatib o'tamiz, “Barselona” o'tgan haftada “PSJ” va “Real”ga mag'lub bo'lgan va joriy mavsumda kubok qo'lga kiritish imkoniyatlarini amalda yo'qotgan edi.

Manbaga ko'ra, "Barselona" shuningdek Kanselu uchun katta pul to'lamoqchi emas. "Manchester Siti" portugaliyalik uchun 40 million evro olmoqchi va hech qanday chegirma qilmoqchi emas. Joauning ijara muddati mavsum oxirida tugaydi.