"Real" Nacho o'rnina uzoq muddatli o'rinbosar topib qo'ydi

Madridning “Real” klubi Nacho Fernandes o'rniga yangi markaziy himoyachi sotib oladi.

34 yoshli futbolchi iyun oyiga qadar amal qiladigan shartnomasi yakunlanganidan so'ng klubni tark etishga qaror qildi. Jurnalist Xose Feliks Diasning so'zlariga ko'ra, "Real Madrid" Nachoning ketishini oldindan bilgan, shuning uchun ular "Lill" markaziy himoyachisi Leni Yoro bilan shartnoma imzolash ustida ish boshlashgan. "Qaymoqranglilar" 18 yoshli o'sib borayotgan yulduz uchun "PSJ" bilan raqobatlashishi kerak, ammo frantsuzning o'zi, mish-mishlarga ko'ra, "Real"da o'ynashni xohlaydi.

Transfermarkt portali ma'lumotlariga ko'ra, Leni Yoroning narxi 40 million evroni tashkil qiladi. 18 yoshida himoyachi "Lill"ning asosiy tarkibida 55 ta o'yin o'tkazgan.