Kubarsi - "el-klasiko" haqida: "Bolaligimdan shunday o'yinlarda ishtirok etishni istar edim"

"Barselona" markaziy himoyachisi Pau Kubarsi "Real"ga qarshi o'yin oldidan jurnalistlar bilan suhbatlashdi.

Bo'lajak "el-klasiko" yakshanba kuni madridliklar maydonida bo'lib o'tadi. Kataloniyaliklarda xato qilishga haqqi yo'q: mag'lubiyatga uchragan taqdirda jamoa chempionat yakuniga olti tur qolganda "Real" bilan turnir jadvalidagi farq 11 ochkoga ko'tariladi.

“Yakshanba kuni kerakli natijaga erishish uchun bor kuchimizni sarflashimiz, 200 foiz borimizni berishimiz kerak. Biz qiyin vaziyatga tushib qoldik, biz barchasini qayta boshlashimiz kerak.

Men bolaligimdan bunday o'yinlarda qatnashishni orzu qilardim”, dedi 17 yoshli futbolchi “Barselona” rasmiy saytiga.