Vlaxovich jarima zarbalarini golga aylantirish borasida yaxshi natija qayd etmoqda

Dushan Vlaxovich A Seriyaning 2 mavsumida to'g'ridan-to'g'ri jarima zarbasidan 4 ta gol urdi.

A Seriyaning 33-turidan o'rin olgan "Kalyari" va "Yuventus" o'rtasidagi o'yinda 2:2 hisobi qayd etildi.

Uchrashuvning 61-daqiqasida mehmonlarning 24 yoshli hujumchisi Dushan Vlahovich to'g'ridan-to'g'ri jarima zarbasini aniq amalga oshirib, gol urdi.

Shu tariqa, serbiyalik futbolchi A Seriyada so'nggi 2 mavsumda jarima zarbalaridan 4 ta gol urdi. Bu Evropaning top-5 ligasidagi ushbu davrdagi eng yaxshi ko'rsatkichdir.

Joriy mavsumda Vlahovich A seriyada 28 ta o'yin o'tkazib, 20 (16+4) ta golda qatnashgan. U A seriyaning eng yaxshi to'purarlari ro'yxatida ikkinchi o'rinda, faqat Lautaro Martines (23+2) undan oldinda.