Gvardiola - Palmer haqida: "Uning o'zi ketishni xohladi"

"Manchester Siti" bosh murabbiyi Pep Gvardiola o'tgan yozda "shaharliklar"dan "Chelsi"ga o'tgan hujumkor yarim himoyachisi Koul Palmer haqida gapirdi.

“Ajoyib futbolchi, biz buni yaxshi bilamiz. Men unga munosib va hozirda "Chelsi"da olayotgan o'yin daqiqalarini bermadim. U aql bovar qilmaydigan salohiyatga ega. Ikki mavsum davomida u klubdan ketishni so'radi, men esa qolishini aytdim. Uning o'zi ketmoqchi edi. Biz nima qila olardik? - dedi Gvardiola.

Eslatib o'tamiz, joriy mavsumda Palmer barcha turnirlarda 41 ta o'yinda qatnashib, 25 ta gol va 13 ta golli uzatmani amalga oshirgan.