Gyusto: "Biz Palmerga Premer-liganing eng yaxshi to'purari bo'lishiga yordam berishimiz kerak"

"Chelsi"ning o'ng qanot himoyachisi Malo Gyusto jamoadoshi Koul Palmer Angliya Premer-ligasining eng yaxshi to'purariga aylanishiga umid bildirdi.

“Biz Palmerga Premer-liganing eng yaxshi to'purari bo'lishiga yordam berishimiz kerak. U o'ziga xos futbolchi. Koul jamoamizda o'ynayotganidan juda xursandmiz", - deya Gyustoning so'zlaridan iqtibos keltiradi "Chelsi" rasmiy sayti.

Palmer Premer-ligadagi 20 ta golidan 9 tasini penaltidan urgan. Koul o'tgan yozda "Manchester Siti"dan "Chelsi"ga o'tgan edi.