Eron chempionati. Oston O'runov jamoasi Masharipov klubini ortda qoldirib, peshqadamga aylandi

Eron chempionati 24-tur uchrashuvida hamyurtimiz Oston O'runov to'p tepayotgan "Persepolis" mehmonda "Sanat-Naft" klubiga qarshi maydonga chiqib, yirik 3:0 hisobida g'alaba qozondi.

Tehronliklar safida Danial Ismoilifar, Issa Alkasir va Hussayn Kanaani gol muallifi bo'lishdi. Oston O'runov bahsni asosiy tarkibda boshlab, 77-daqiqada almashtirildi.

"Persepolis" bu g'alaba orqali ochkolari sonini 52 taga etkazib olib turnir jadvalida peshqadamga aylanib oldi. Jaloliddin Masharipov to'p tepayotgan "Istiqlol" 1 o'yin kam o'tkazgan holda 2-o'rinda (50 ochko).