"Renn" bosh murabbiyi Dembele "Oltin to'p"ni qo'lga kiritishiga ishonmoqda

"Renn" bosh murabbiyi Julien Stefan "PSJ" vingeri Usmon Dembelening o'yiniga yuqori baho berdi. Kecha, 3 aprel kuni "PSJ" Frantsiya kubogi yarim finalida "Renn"ni qabul qilib, 1:0 hisobida g'alaba qozondi.

"Odamlar menga Usmon haqida savol berishsa, doim uning zaif tomonlari haqida so'rashadi. Men har doim uning kuchli tomonlari haqida gapirib javob beraman. Menimcha, u ajoyib futbolchi. Agar u ko'proq gol urganida, ehtimol u allaqachon "Oltin to'p"ni qo'lga kiritgan bo'lardi", - deya frantsiyalik mutaxassisning so'zlarini keltiradi GFFN.

Eslatib o'tamiz, joriy mavsumda Usmon Dembele barcha turnirlarda 34 ta o'yin o'tkazib, bitta gol urgan.