Zlatan bu ro'yxatda kuchli uchlikdan joy oldi

Four Four Two ekspertlari qiziqarli raqamlari bilan futbol muxlislarini xursand qilishda davom etmoqda.

Bu safar hech qachon Chempionlar ligasida g'alaba qozona olmagan eng yaxshi futbolchilar reytingi tuzildi.

Ushbu reytingda birinchi o'rinni braziliyalik Ronaldo egalladi. U "Barselona", "Inter", "Real Madrid" va "Milan" kabi yirik klublarda o'ynagan, lekin hech qachon Chempionlar Ligasi kubogini boshi uzra ko'tarmagan.

Ikkinchi o'rinni italiyalik Roberto Badjo egallagan bo'lsa, kuchli uchlikni shved Zlatan Ibrahimovich yakunladi.

Keyingi o'ntalikka Janluiji Buffon (uchta finalda mag'lub bo'lgan), Lotar Matteus, Pavel Nedved, Erik Kantona, Franchesko Totti, Gabriel Batistuta va Dennis Bergkamp joylashdi.