Klopp: "O'zimizga mos keladigan o'yin yo'lini topdik"

Yurgen Klopp mavsumning qolgan qismida muvaffaqiyatga erishish strategiyasi haqidagi savolga javob berdi.

"Biz har bir o'yinda bor kuchimizni berishimiz kerak. Uyda va safarda. Bu oson emas va jarohatlarsiz omad hammaga kerak. Hozircha omadimiz kelmadi, lekin umid qilamanki, yigitlar qaytishadi. Bizga ular kerak. Keyin har qanday o'yinda g'alaba qozonish yo'lini topishingiz kerak.

Biz o'zimizga mos keladigan o'yin yo'lini topdik. Tanaffus oldidan “Manchester Siti” va “Manchester Yunayted”ga qarshi o'yinlar o'tkazdik va bu o'yinlarning ayrim qismlarida mavsumdagi eng yaxshi o'yinimizni ko'rsatdik.

Tiklanish uchun ko'p vaqtimiz bor, shuning uchun oldinga intilamiz", dedi “Liverpul” bosh murabbiyi.