"MYu" yangi bosh murabbiy borasida yakuniy qarorga keldi(mi)?

"Manchester Yunayted" kelasi yozda bosh murabbiyini o'zgartirishi mumkin. Klubning yangi xo'jayini Jim Retkliff Erik ten Xagni yangi loyihaga yaroqsiz deb hisoblasa, u bilan xayrlashishi mumkin.

The Sun nashrining yozishicha, Garet Sautgeyt ten Xag o'rnini egallash uchun favorit hisoblanadi. Manbaga ko'ra, "Manchester Yunayted" yozda "Old Trafford"ga nafaqat Sautgeytni, balki Angliya terma jamoasining amaldagi barcha murabbiylar shtabini ham olib kelishga harakat qiladi.

"Manchester Yunayted"ning Premer-ligadagi eng yaqin taqibchisi "Brentford" bo'ladi. Ten Xag jamoasi hozirda turnir jadvalida oltinchi o'rinni egallab turibdi.