"Manchester Yunayted" "Manchester Siti" tarbiyalanuvchisiga ko'z tikdi

"Manchester Siti" akademiyasi bitiruvchisi Tosin Adarabioyo Londonning "Fulxem" klubini tark etib, Angliya Premer-ligasining boshqa klubiga o'tishi mumkin.

DeadlineDayLive hisobiga ko'ra, futbolchining xizmatlariga "Manchester Yunayted" qiziqmoqda. Mankunianliklar anchadan buyon yangi futbolchining o'yinlarini kuzatib borishdi. Joriy mavsumda Adarabioyo 20 ta uchrashuvida qatnashib, bitta gol urdi.

Markaziy himoyachining transfer qiymati 15 million evroga baholanmoqda. 26 yoshli futbolchining “Fulxem” bilan amaldagi shartnomasi joriy mavsum oxirida yakuniga etadi.