Termamizning oxirgi o'n yillikdagi eng zo'r o'yinchilari. top 4

4- o'rin

Timur Kapadze

Timur maydon markazidagi ishonchli va o'ta sovuqqon o'yini bilan markaziy zonada termamiz uchun uzoq yil o'ynadi. Yurtimizdagi eng kuchli tayanch yarim himoyachi sifatida termamizga muntazam chaqirilib turdi. Kapadze termamiz uchun ko'plab qiyin uchrashuvlarni o'tkazgan. Kapadzening «intelligent» deb chaqirishlarini ko'pchilik bilmasa ham kerak. U shaxs sifatida ham namuna qilib ko'rsatishga loyiq inson

3 – o'rin

Server Jeparov

Osiyoning 2 karra eng yaxshi futbolchisi, yurtimizda ham bir necha bor «Yil futbolchisi» deb topilgan termamiz yulduzini 4 likka kirgazmasak xato bo'lar edi. Jeparov termamiz uchun ko'plab yorqin o'yinlarni o'tkazgan. Qosimovdan keyin esa termamiz yuzi sifatida o'zbek futbolini dunyomiqiyosida yoya oldi. U Janubiy Koreya, Eron, Saudiya Arabistoni singari Osiyoning kuchli chempionatlarida ajoyib o'yinlari bilan yurtimiz futbolini dunyoga ta'nita oldi. Termamiz sobiq sardori futbolimiz tarixidan xaqli ravishda joy oldi.

2-o'rin

Odil Ahmedov

Ko'pchilik bu futbolchini birinchi o'rinda kutgan bo'lsa, ajab emas. Darhaqiqat, bu futbolchi termamiz uchun juda ko'plab ajoyib o'yinlarni o'tkazgan, lekin Ahmedovning bu reytingda ikkinchi o'rinni egalashining asosiy sababi Ahmedov hech qachon klubini termadan yuqori qo'ymagan. U hech qachon klubida boshqacha, termada boshqacha futbol ko'rsatmagan. Termamiz uchun doim jon-dilidan o'ynagan. Ayniqsa, so'nggi yillarda «oq bo'rilar»ning etakchisi sifatida o'yinni deyarli to'liq o'ziga olmoqda. Ahmedovning ayniqsa intervyularida jon kuydirib termamiz haqida fikr bildirishi, so'nggi soniyalargacha kurashdan to'xtamasligi bilan xalqimizning chin farzandi ekanligini ko'rsatib qo'ya oldi.

1 – o'rin

Aleksandr Geynrix

Ha Sasha termamiz uchun hatto o'limga ham tayyor edi… 2011-yilda Qatarda bo'lib o'tgan qit'a kubogida 3-o'rin uchun bo'lgan uchrashuvdan so'ng uning qanday yig'laganini ko'pchilik haligacha eslaydi. Oxirgi JCh saralashidagi omadsizlikdan so'ng maydonda yosh bolalarcha yotib yig'lagani esa haligacha ko'z oldimda. U futbolchilik karierasiga urg'u bermadi,u chet klublariga o'tishga intilmadi , u shunchaki futbolning haqiqiy fanati edi. Termamiz uchun bir necha o'ta muhim gollar urgan Geynrixni xalqimiz yoqimtoyi desak, adashmagan bo'lamiz. O'zbekistonning soddadil, jonkuyar farzandining qadri ketganidan keyin shundoq bilinmoqda. Xozirda termamiz Geynrixga o'xshagan golga,g'alabaga chanqoq xujumchiga muxtoj. Afsuski, Sashaga o'xshash xujumchilar har kuni ham tug'ilavermaydi.