"PSJ" prezidenti: "Enrike fantastik ishini davom ettirmoqda"

"PSJ" prezidenti Nosir Al-Xelayfiy jamoa bosh murabbiyi Luis Enrike ishini yuqori baholadi.

Ispaniyalik mutaxassis o'tgan yozda o'z lavozimini egallagan edi. U allaqachon parijliklarni Chempionlar ligasining chorak finaliga olib chiqishga muvaffaq bo'ldi. Chempionatda poytaxt jamoasi ishonchli tarzda peshqadamlik qilmoqda.

“Murabbiyimiz Luis Enrike bilan faxrlanaman – u ajoyib ish qilmoqda. Gap nafaqat natijalar, balki o'yinimiz, strategiyamiz va yangi jamoani qurish haqida ham. Shuningdek, men sport direktorimiz Kampush bilan ham faxrlanaman, u ham ajoyib ishlarni amalga oshirmoqda. Xuddi shu narsa futbolchilarga ham tegishli. Biz juda mamnunmiz", - deya "PSJ" prezidentining so'zlarini keltiradi RMC Sport.