Rodri: «La Liga va APL — bu deyarli ikki xil sport turi»

"Manchester Siti" yarim himoyachisi Rodri Angliya va Ispaniya chempionatlarini o'zaro taqqosladi.

– La ligadan APLga ko'chib o'tganingizda tayanch himoyachi sifatida siz uchun nima o'zgardi?
– Bu deyarli ikki xil sport turi (kuladi). Eng asosiysi — ritmni his etish. La ligada APLdagi kabi tempda o'ynab bo'lmaydi. Boisi, jamoadoshlaring bunday tempda seni qo'llab-quvvatlashmaydi. Ispaniyada taktikaga asoslangan holda sabr bilan o'ynashadi. Jamoalar ko'proq to'p bilan qanday o'ynash kerakligini yaxshi bilishadi. Angliyada esa yugurishga ko'p narsa bog'liq.

«Vest Xem»ga qarshi debyut o'yinimni eslayman. Menda o'ylash uchun yarim soniya ham imkon bo'lmagandi. Raqib futbolchisi darhol qrashimda paydo bo'lardi. Men tezroq o'ylashni va jismoniy to'qnashuvga qarshilik ko'rsatishni o'rgandim.

Men to'pni tezroq uzatishni o'rgandim. Chunki individual iqtidoring sababli to'p yo'qotishingni APLda raqiblar Ispaniyadagiga nisbatan ko'proq jazolashadi.