Fakt. Pepe EChLda debyutini qilganda Yamal hali tug'ilmagan edi

Pepe Chempionlar ligasi pley-off o'yinida maydonga tushgan eng keksa futbolchiga aylangani haqida xabar bergandik.

40 yoshli markaziy himoyachi “Portu”ning “Arsenal”ni mag'lub etishiga (1:0) yordam berdi. Qizig'i shundaki, parallel o'tgan o'yinda teskari rekord o'rnatildi:

"Barselona"ning 16 yoshli vingeri Lamin Yamal Chempionlar ligasi pley-offida o'ynagan eng yosh futbolchiga aylandi. Squawka ta'kidlaganidek, Pepe eng nufuzli Evropa kubogining pley-off bosqichida debyut qilganida, Yamal hali tug'ilmagan edi - u ikki yildan keyin tug'ilgan. Pepe 26 fevral kuni o'zining 41 yoshini nishonlaydi. U hozirgi ming yillikning boshidan buyon professional tarzda o'ynab kelmoqda. Yamal iyul oyida 17 yoshga to'ladi.