"Real" Kuboning transfer huquqlariga 50 foiz egalikni o'zida saqlab qoldi

Yaponiyalik yarim himoyachi Takefusa Kuboning "Real Sosedad" bilan yangi shartnomasida futbolchini 60 million evroga sotib olish bandi saqlanib qolgan, deb xabar beradi Relevo. Qayd etilishicha, Madridning “Real” klubi futbolchini kelajakda transfer huquqining 50 foizini hamon o'zida saqlab qoladi, shuning uchun yaponiyalik futbolchini sotib olish "qirollik klubiga" boshqa klublarga qaraganda ikki baravar arzonga tushadi.

Eslatib o'tamiz, yaponiyalik futbolchi 2019 yildan buyon "Qirollik klubi"ga tegishli. 2022 yilning iyulida “Real Sosedad” futbolchini 6,5 million evroga sotib oldi. Takefusaning San-Sebastyan klubi bilan yangi shartnomasi 2029 yilgacha amal qiladi.