Ro'ziqul Berdiev: «Birinchi o'yindan keyin hech narsa hal bo'lgani yo'q»

Osiyo chempionlar ligasi nimchorak final bosqichidan o'rin olgan «Al Ayn» — «Nasaf»  javob uchrashuvidan oldin bo'lib o'tgan matbuot anjumanida qarshiliklar bosh murabbiyi Ro'ziqul Berdiev va futbolchi Bobur Abduxoliqov ishtirok etdi.

“Birinchi o'yindan keyin hech narsa hal bo'lgani yo'q. Kurash davom etadi. Biz ertangi o'yin uchun yaxshi tayyorgarlik ko'rdik. Biz ertaga ijobiy natija uchun maydonga chiqamiz. Lekin bu oson bo'lmaydi. Chunki raqib ertaga o'z maydonida o'ynaydi. Raqibimiz tajribali va kuchli jamoa. Shunga qaramasdan biz o'z oldimiz qo'ygan vazifamizni bajarish uchun maydonga chiqamiz“ —  deb o'z fikrlarini bildirib o'tdi Ro'ziqul Berdiev.

«Ertangi javob uchrashuvidan oldin biz yaxshi tayyorgarlik ko'rdik. Ertaga g'alaba uchun bor kuchimizni beramiz, muxlislarimizni xursand qilamiz degan umiddaman. Biz ertangi o'yinga yuz foiz tayyormiz» — dedi Abduxoliqov.

«Nasaf» klubi matbuot xizmati